Schoolovision 2009 er söngvakeppni 30 eTwinning landa frá Evrópu sem öll hafa samþykkt að velja einn skóla frá hverju landi sem kemur fram sem fulltrúi þess. Lögin voru sett á bloggsíðu keppninnar og nemendur gáfu lögunum síðan stig (eins og í Eurovision) og vann það lag sem fékk flest stigin. Lag Flataskóla sem sett var í keppnina að þessu sinni var valið á Flatóvision 2009.  Skólinn sem vann fékk verðlaunagrip - bikar og var titlaður Schoolovision meistari 2009. Flataskóli lenti í 4. sæti á eftir Eistlandi og Finnlandi. En Tékkland vann að þessu sinni og hér má sjá vinningslagið.

Schoolovisionverkefnið hefur fengið viðurkenningu - eTwinning Label frá stjórn eTwinning.

Schoolovisonverkefnið hefur fengið viðurkenninguna "National Quality Label"

Schoolovisionverkefnið hefur fengið viðurkenninguna "European Quality Label"

Schoolovisionverkefnið hefur fengið viðurkenninguna "Global Junior Challenge"

Schoolovisionverkefnið fékk verðlaun í flokki grunnskóla í október 2009.

Schoolovisionverkfefnið fékk viðurkenningu frá eLearning 2009 í nóvember s.l. Það var valið úr safni 50 annarra verkefna sem tilnefnd voru og vann í flokki  "Cross border cooperation in Europe" sem þýtt gæti á íslensku "evrópskt millilandasamstarf". Hér er hægt að sjá upptöku frá verðlaunaafhendingunni í Vilnius 26. nóvebmer 2009

Á fimm ára afmæli eTwinning á stórri ráðstefnu í Seville á Spáni í febrúar 2010 fékk verkefnið Schoolovision enn ein verðlaunin. Verðlaunin voru veitt fyrir flokkinn "Most Creative Use of Digital Media" sem útleggst einhvern veginn þannig: Frábær skapandi notkun á rafrænum miðli. Hægt er að lesa frekar um afhendinguna á bloggsíðu verkefnisins.